BARO ACT FAQs

 

Generic

1. Ano ang Bayanihan to Recover as One Act?

Ang Bayanihan to Recover as One Act (R.A.11494) or BARO Act ay isang batas na ang layunin ay ipagpatuloy ang iba’t ibang programa ng gobyerno para matulungan ang bansa na maka-recover mula sa COVID-19 crisis. Kabilang sa batas na ito ay ang pagbibigay ng relief sa loans. Ang mga bangko ay naatasang magbigay ng one-time 60-day grace period para sa mga qualified loans na dapat bayaran on or before December 31, 2020, nang walang dagdag na late payment, interest on interest at charges. Alinsunod dito ang pag extend ng loan maturity hanggang sixty (60) days.

2. Sinu-sino ang mga qualified sa BARO Act?

Ang mga existing loan at credit card accounts in CURRENT status (hindi past due) bago mag September 15, 2020 ay qualified na mag-avail ng one-time 60-day grace period.

3. Ang account ko ay in current status pero hindi ko nais mag-avail ng BARO Act grace period, ano ang kailangan kong gawin?

Hindi mo na kailangang mag-advise sa bangko. Ituloy mo lang ang pagbayad ng dues para sa iyong loan o credit card on or before your due date. Kung naka-enroll ka sa Auto Debit Arrangement (ADA) o nag issue ng mga Post-Dated Checks  (PDC), siguraduhin lang na sapat ang funds ng iyong account bago ang iyong due date.

4. Ang account ko ay in current status at pinag-iisipan kong i-avail ang BARO Act grace period, ano ang mga dapat kong malaman?

Ang mga qualified clients ay makakatanggap ng SMS at email sa kanilang registered mobile number at email address sa record ng Bangko.


Paalala lamang na ang BARO Act grace period ay one-time, simula sa iyong concerned due date plus 60 days. During the grace period, walang dagdag na interest on interest, penalty fees at iba pang charges para sa late payment. Alalahanin lamang na pagtapos ng grace period, kailangan mong ituloy ang pagbayad ng iyong monthly amortization na may kasamang accrued interest na resulta ng hindi paggalaw ng iyong loan outstanding balances for 60 days.

5. Ngayong alam ko na ang detalye ng BARO Act grace period, paano ko ito ma-avail?

Para sa Home, Auto, SME and Personal Loans, mag-reply ng YES PN XXXXXXXXXXXX. Para sa Credit Cards, mag-reply ng YES CC XXXX (last 4 credit card number) sa 225678, 5 calendar days bago ang due date mo.

Maaari rin na huwag mo munang bayaran ang 2 magkasunod na  due dates mo mula September 15 hanggang December 31, 2020. Mako-consider na itong automatic availment ng one-time 60-day grace period.

6. Maaari ba akong mag-request ng higit sa 60 days na grace period?

Hindi. Ayon sa BARO Act, ang grace period ay limitado lamang sa one-time 60-day availment para sa mga due dates mula September 15 hanggang December 31, 2020.

7. Maaari pa rin ba akong mag-avail ng BARO Act kahit na nakapag-avail na ako ng Bayanihan to Heal as One Act?

Oo, maaari ka pa ring mag-avail ng one-time 60-day grace period ng BARO Act kung ikaw ay qualified. Ibig sabihin ang account mo ay in CURRENT status (hindi past due) before September 15, 2020.

 

Consumer Loans

1. Kung mag-avail ako ng 60-day grace period, pwede ko bang bayaran ang accrued interest ng staggered basis? Ano ang allowed na maximum term?

Oo, pwede mong bayaran ang accrued interest in full pagkatapos ng 60-day grace period or on staggered basis hanggang December 31, 2020.

2. Ano ang accrued interest at paano ang computation nito?

Ang accrued interest ay ang interest sa outstanding principal balance na naipon mula sa pinakahuling payment ng borrower.


Accrued Interest = (Outstanding Principal Balance x Interest Rate) x (61/365)
*61 days mula sa pinakahuling payment ang bibilangin na araw sa pag-compute ng accrued interest sa loob ng 60-day grace period, para sa mga borrowers na may due date na September 15 hanggang December 31, 2020.


Halimbawa, kung ang pinakahuling payment ng borrower ay noong September 16 at gusto niyang mag-avail ng 60-day grace period simula sa October 16 niyang due date, ang accrued interest na ico-compute ay mula September 17 hanggang November 16, 2020 at ito ay kokolektahin nang hiwalay pa sa monthly amortization na dapat bayaran sa December 16, 2020 na due date. Para sa term loans na may monthly repayment ng principal at interest, ang monthly amortization na dapat bayaran ng December 16 ay may kasamang interest sa principal amount mula November 17 hanggang December 16, 2020.

3. Nag-issue ako ng Post-Dated Checks (PDCs) para bayaran ang monthly amortization ko pero gusto kong i-avail ang BARO Act 60-day grace period. Ano ang gagawin ko?

Para sa Home, Auto, SME and Personal Loan, mag-reply lang ng YES PN XXXXXXXXXXXX sa 225678, 5 banking days bago ang due date mo. Ang payment para sa accrued interest ng 60-day grace period ay kailangang bayaran on or before December 31, 2020. Maaari kang magbayad sa kahit saang BDO branch nationwide o sa BDO Digital Banking channels.

4. Ang mode of payment ko ay via Post-Dated Checks (PDCs) pero nakalimutan kong i-inform ang Bangko five (5) banking days before my due date na mag-aavail ako ng one-time BARO Act 60-day grace period. Kailan ma-implement ng Bangko ang request ko?

Kailangan ng Bangko ng five (5) banking days para ma-retrieve at i-hold ang processing ng PDCs. Dahil dito, ang iyong request ay mai-implement sa succeeding due date na.


Halimbawa: Kung ang due date mo ay October 18 pero na-inform mo ang Bangko ng October 15, 2020, ang iyong PDC ay made-deposit pa rin ng October 18. Ang grace period availment mo ay mai-implement sa next due date mo na naka-schedule ng November 18. Ang PDC mo for November 18 ay made-deposit na sa January 18, 2021 at ang PDC mo for December 18, 2020 ay made-deposit sa February 18, 2021.

5. Para sa SME Ready Check, ano ang mga babayaran after ng 60-day grace period?

Tanging ang interest lamang ang due sa outstanding principal balance ng loan facility mo. Ito ay applicable din sa lines na ang expiry ay tumapat sa 60-day grace period at nakapag-comply sa 20% principal paydown. Pero kung hindi ka pa nakapag-comply sa 20% principal paydown, ito ay magiging due din kasama ng interest sa outstanding principal balance ng loan facility mo.

 

Credit Cards

1. Kung mayroon akong higit sa isa (1) na BDO Credit Card, ang BARO Act 60-day grace period ba ay applicable sa lahat ng cards ko?

Oo, basta lahat ng cards mo ay in CURRENT status (hindi past due) as of  September 15, 2020. Ang pag- evaluate ng eligibility ay on a per card basis.

2. Nabayaran ko ng buo ang outstanding balance ko sa September Statement of Account. Pwede pa rin ba akong mag-avail ng BARO Act one-time 60-day grace period para sa mga susunod na due dates at mga bagong card transactions ko from Oct. to Dec. 2020?

Ang BARO Act grace period ay applicable lamang sa mga transactions na  na i-post sa account mo bago mag September 15, 2020. Ang mga transactions after September 15, 2020 ay hindi na covered ng BARO Act.

 

 

3. Naka-enroll ako sa Automatic Debit Arrangement (ADA), paano maaapektuhan ng BARO Act ang payments ko?

Maaari mong ipa-HOLD or ipa -PROCEED ang iyong ADA scheduled payments. Kung gusto mong i-avail ang 60-day grace period, mag-reply ng YES CC XXXX (last 4 digits ng iyong  credit card number) sa 225678, 5 calendar days bago ang due date mo. Kung nag-avail ka, siguraduhin lang na sapat ang funds sa iyong bank account para ma-cover ang iyong balance pagkatapos ng grace period.

4. Ipagpapaliban ba ang pag- bill ng aking statement balance?

Hindi, ang pag-bill ng iyong statement balance ay hindi made-delay. Binibigyan ka lamang ng 60-day extension period para ma-settle ang iyong balanse.

5. Extended ba ang maturity ng installment transaction ko sa credit card?

Hindi, ang maturity ng iyong installment transaction ay hindi extended. Ang iyong monthly amortization ay mabi-bill pa rin kada buwan.

6. Pag ako ay nag avail ng 60-Day grace period at hindi nagbayad, ibig sabihin ba nito ay maiipon ang lahat ng kailangan kong bayaran after the grace period?

Oo, ang mga unpaid balances mo ay maiipon  at  magiging parte ng outstanding balance ng iyong Statement of Account pagkatapos  ng grace period.

7. Anu-ano ang Fees and Charges na hindi sisingilin para sa mga qualified cardholders na nag-avail ng BARO Act grace period?

Sa mga qualified cardholders na nagbayad ng buo at on time ng kanilang Total Amount Due sa kanilang due date bago mag  September 15, 2020 (Transactors), ang Finance Charges (FC) at Late Payment Fees na na-post sa account  during the grace period  ay ire-reverse kapag natanggap na ang kabuuang bayad para sa  Total Oustanding Balance after the grace period.

 

Sa mga qualified cardholders na nagbayad ng mas mababa kumpara sa   Total Amount Due sa kanilang due date bago mag September 15, 2020 (Revolvers), ang Late Payment Fees at Interest on Interest (ang naipataw na interest sa iyong latest Finance Charge) ay ire-REVERSE sa susunod na  Statement of Account.

 

Ganito ang paraan ng pag-compute sa interest on interest:
Applicable Finance Charge Rate X Finance Charge na naka post sa iyong previous statement

 

8. Maaari ko pa rin bang gamitin ang credit card ko kapag ako ay nag- avail ng BARO Act grace period?

Oo, ang mga qualified cardholders na nag-avail ng BARO Act grace period ay pwede pa ring gumamit ng kanilang BDO Credit Cards hanggang sa  available credit limit ng kanilang account.

9. Kapag nag-avail ako ng BARO Act grace period pero nag-decide ako na magbayad during the grace period, tatanggapin ba ang payments ko?

Oo, tatanggapin pa rin ang iyong payments during the grace period at mapo-post ito sa iyong account.